الموضوع: ودي امــــوت اليـــوم

عندما يكون الغدر حدث
من أحداث حياتك اليومية
والحزن كالعبادة
واجب عليك .. عندها فقط
(ودك تموت اليوم وتعيش باكر)
ودي أموت اليوم..
وارجع أعيش باكر ..
لجل اعرف من هو على الود صادق
ومن هو بعد موتي
بطعنات الغدر يزيد
ومن هو تمنى إن عمري مديد
ودي أمـوت اليوم وأعيش باكر
وأشوف من هو بعد موتي فقدني
ومن هو حملــني لين ذيك المقابر
واشكر أنا كل من كرمني ودفني
وبشوف يرثـــــيني انا كم شـــاعر
ومن هو تركني وما كتب شي عني
شخص تعـــنالــي مـــع انــه مسافر
وشخص قريـــب وأنا ميت طعني
وشخص يمثل دمــعته مـــاهو قـــادر
وشخص تطيح دموعه كل ماذكرني
ومن هو من أهلي في العزا كان حاضر
ومن هو دعالي في صلاته ورحمني
ومن هو بنا باسمي سبيل ومنابر
ومن هو يفز قلبه إلا من لمحني
ومن هو عــــــــشاني طول الأيام ساهر
ومن هو ثلاث أيام وراح وتركني
ومن هو يرتب غــرفـتي والـدفاتــــــــر
وان شاف صوره لي مات وحضنــــي
يالله عسى ماتخفي كل المشاعر
ويالله عســـــى ماينصدم يـــوم ضني
خايف يروح العمر وأكون خاسر
وان طـــــار طيــري مايفـيد التمنــي
وخايف يجيني وقت اكسر خواطر
إن دارت الـدنـيـا وزمـانـي كسرني
ومدام هذي الدنيا صارت مظاهر
وكـل عـلـى كيـفـه وجــوه يغـنـي
صحيح مســـلم لكن الهم كــافر
كل مابغيت اضحك يهددني حزني
الضيق وافي والحزن حيل وافر
والـجـرح أكـثر شـي شفته يحبني
عايش وميت بين ماضي وحاضر
والصبر مفتاح الفرج ضاع مني
قل وش تبي وتتركني ياحزني آمر
مسكيــن فرحي ..تصدق انه وحشني
شاعــر .. ولكن مـــانــي بشاعــــر
ودي أمــــــــوت اليوم وارتاح مني
..........................................
ودي أموت اليوم ..
وارتاح من همي .. وارتاح من حزني
وارتاح من كل جرح
بأسمى عروقي سكني ..!!
تعبت من الحزن .. تعبت من الوهم
تعبت وانا طول عمري آون ..